2018 жылы 27 наурызда институт Алматы қаласы Білім басқармасы, «Рухани жаңғыру» бағдарламасының жобалық офисі және Білім берудегі жаңа технологиялардың қалалық ғылыми-әдістемелік орталығымен бірлесіп «Ғылым ордасында» Қазақстан Республикасының Президенті Н.Назарбаевтың «Болашаққа бағдар: рухани жаңғыру» бағдарламалық мақаласының негізгі тұжырымдарын жүзеге асыру іс-шараларының желілік кестесіне сәйкес «Туған жер», «Қазақстанның киелі жерлері» ұлттық жобалары тұжырымдарын тарих сабақтарында жүзеге асыру мәселелері» тақырыбында тарихшы мұғалімдер мен тарихшы ғалымдардың, әдіскер ғалымдарға арналған қалалық ғылыми-тәжірибелік конференция өткізді.
Конференцияның мақсаты: Елбасы Н.Назарбаевтың «Болашаққа бағдар: рухани жаңғыру» Бағдарламалық мақаласын жүзеге асыру аясында «Туған жер», «Қазақстанның киелі жерлері» ұлттық жобалары тұжырымдарын тарих сабақтарында жүзеге асырудың мазмұндық, әдістемелік, ұйымдастыру мәселелерін талқылау үшін тарих пәні мұғалімдерінің тарихшы-ғалымдармен, әдіскер-ғалымдармен, оқулықтар және оқу-әдістемелік кешендер авторларымен (Бакина Н.С.) пікір алмасуына жағдай туғызу.
Конференция жұмысының мақсаттары:
– Елбасы Н.Ә.Назарбаевтың «Болашаққа бағдар: рухани жаңғыру» Бағдарламалық мақаласының негізгі тұжырымдары және олардың білім беру ұйымдарында жүзеге асырудың маңыздылығы;
– «Туған жер», «Қазақстанның киелі жерлері» Ұлттық жобалары тұжырымдарының орта білім беру ұйымдары тарих пәнінің оқу бағдарламаларында, оқулықтары мен оқу-әдістемелік кешендерінде көрініс табуы;
– «Туған жер», «Қазақстанның киелі жерлері» Ұлттық жобаларын жүзеге асыру аясында оқушылардың жобалық, ізденіс жұмыстарын ұйымдастыру;
– «Туған жер», «Қазақстанның киелі жерлері» Ұлттық жобаларын жүзеге асыру аясында Алматы қаласы мұражайларының мүмкіндіктері арқылы оқушыларда қазақстандық патриотизм сезімін қалыптастыру.
Конференция жұмысына институттың ғалымдары (Шашаев Ә.Қ., Шамшиденова Ф.М.), әл-Фараби атындағы Қазақ ұлттық университетінің (Омарбеков Т.), Абай атындағы Қазақ Ұлттық педагогикалық университетінің ғалымдары, ҚР Орталық мемлекеттік мұражайының қызметкерлері, «ДББ «НЗМ» АҚ өкілдері (Диханбаев Д.С.), баспалардың өкілдері, оқу-әдістемелік кешендердің авторлары, білім беру ұйымдары мен әдістемелік сала қызметкерлері қатысты.