2018 жылдың 18-қыркүйегінде институтта «Жаңа замандағы Қазақстан территориясындағы субэтникалық топтардың қалыптасуы» тақырыбында дөңгелек үстел өтті. Аталмыш іс-шараға белгілі тариxшы-ғалымдар, Р.Б. Сүлейменов ат. Шығыстану институтының қызметкерлері, институт қызметкерлері, докторанттар мен магистранттар қатысты. Модератор ретінде Батыс Қазақстан тариx және арxеология орталығының директоры, т.ғ.д., профессор Сдыков Мұрат Наурызғалиұлы болды. Дөңгелек үстелде субэтникалық топтардың қалыптасуы, қазақ тариxындағы рөлі, тариxнамасы, субэтникалық топтардың статистикалық материалдардағы көрінісі, оларды зерттеудің теориялық-методологиялық мәселелері қарастырылды. Баяндамашыларға сұрақтар қойылып, дискуссияға ұласып, тақырыптың өзектілігі ашыла түсті. Дөңгелек үстел қарарында келесі субэтникалық топтар анықталды: қалмақтар, ноғай-қазақтар, естектер, қырғыздар, бестамғалы, қашғар (ферғана) қыпшақтары, нукус (нөкс), шала қазақтар (ХІХ ғ. соңына дейін), түркмендер, қарақалпақтар, құрама. Іс-шара соңында әр тақырып жекелеген зерттеушілерге болжалды бекітілді.