Смагулова С.О. Директордың орынбасары

Тарихшы. Тарих ғылымдарының докторы. 1968 ж. 4 қыркүйекте бұрынғы Семей (қазіргі Шығыс Қазақстан облысы) облысы, Ақсуат ауданының Көкжыра селосында жұмысшы отбасында дүниеге келген.

Смағұлова Светлана Одепқызы, т.ғ.д., директордың ұйымдастыру және коммерциялық мәселелер жөніндегі орынбасары.

Тарихшы. Тарих ғылымдарының докторы.  1968 ж. 4 қыркүйекте бұрынғы Семей (қазіргі Шығыс Қазақстан облысы) облысы, Ақсуат ауданының Көкжыра селосында жұмысшы отбасында дүниеге келген. әл-Фараби атындағы Қазақ Мемлекеттік Ұлттық университетінің тарих факультетіне түсіп, оны 1993 ж.үздік дипломмен аяқтаған. 1993 жылдан Ш.Ш. Уәлиханов атындағы Тарих және этнология институтында аға лаборант, осы жылдың күзінен кіші ғылыми қызметкер, 2001 ж. ғылыми қызметкер, 2003 жылдан бастап Кеңес дәуіріндегі Қазақстан тарихы бөлімінің аға ғылыми қызметкері, 2011 ж. бас ғылыми қызметкер. 1999 ж. «Ұлттық интеллигенция және ХІХ ғасырдың аяғы мен ХХ ғасырдың басындағы Қазақстандағы аграрлық мәселе» атты тақырыпта кандидаттық диссертация қорғады. 2004 ж. Жоғарғы аттестациялық комитеттің шешімімен доцент ғылыми дәрежесін алды. 2006-2009 жж. аралығында  институттың докторантурасында оқыды. 2010 ж. 26 наурызында «ХХ ғасырдың 20-30 жылдарындағы қазақ тіліндегі мерзімді баспасөздері: шығу тарихы мен деректік маңызы» атты тақырыпта докторлық диссертация қорғады.

2004-2010 жж. аралығында «Арыс» қорының жанындағы қуғын-сүргінге ұшыраған Қазақ интеллигенция тарихын «Алаш» орталығын басқарды. 2010 ж. Б. Сүлейменов атындағы Шығыстану институтының диссертациялық кеңесінің мүшесі болды. Бірнеше жылдай Абай атындағы Қазақ Ұлттық педагогикалық университеті мен Қазақ Мемлекеттік Қыздар педагогикалық университетінде дәріс берді.

ХІХ ғ. аяғы мен ХХ ғ. басындағы Қазақстандағы жер мәселесі мен патша саясатына қарсы күрес жүргізген ұлттық интеллигенцияның рөліне, Алаш қайраткерлерінің қоғамдық-саяси қызметтеріне, «Үш жүз» партиясының қызметіне, ХХ ғ. 20-30 жж. қазақ мерзімді баспасөзіне арналған 180-тан астам ғылыми мақалалар мен 2 монографиялық кітаптың, он бестен астам ғылыми жинақтың, жоғары оқу орындары мен жалпы білім беретін мектептерге арналған оқу-әдістемелік бағдарламалар мен дидактикалық оқу құралдарының авторы.

  1. Жарияланымдары: К. Төгісов және «Үш жүз» партиясы. Алматы: Арыс: 2009;  Кеңестік қазақ мерзімді баспасөзі: шығу тарихы мен деректік маңызы (ХХ ғ. 20-30 жж). Алматы, «Елтаным», 2011. ‒ 420 б.; Алаш. Алашорда. Энциклопедия. Алматы: Арыс, 2009; «Қазақ» газеті. 1913 жыл. А., 2009;   «Қазақ» газеті. 1914 жыл. А., 2009; Адам және қоғам. Дидактикалық материалдар. Жалпы білім беретін мектептің жаратылыстану-математика бағытындағы 11-сыныбына арналған оқу құралы. Өнд. 2-бас. – Алматы: «Мектеп», 2011. 4,5 б.т. (64 б.);  Человек и общество. Дидактические материалы. Учебное пособие для 10 классов общественно-гуманитарного направления общеобразовательных школ. 2-е изд.  – Алматы: «Мектеп», 2011. 4,5 п.л. (64 с.); 4. Латинизация тюркской письменности // Мероси ниёгон (Наследие предков). (Таджикистан). 2011. №14. 0,5 п.л; Қазақстандағы ғылыми атеизм идеологиясы және оның салдары (ХХ ғ. 20-30 жж.) // Қоғам және дәуір. 2011. №1. 22-27-бб.; Алаштың беймәлім қайраткері Биахмет // Дала мен қала. 2011. №21. 30 мамыр; Қазақстандағы діндер мен діни  ағымдар (ХХ ғ. 20-30 жж.) // Қоғам және дәуір. 2011. №2. 32-43- бб.; Қазақтың тұңғыш журналы «Айқап» // Абай атын. ҚазҰПУ хабаршысы. Тарих сериясы. 2012. №1. 17-23-бб; Кітап арқауы –«Оян, қазақ!» // Түркістан. 2012. 17 мамыр. №7 (030); Қазақтың қуғын-сүргенге өзгелерден гөрі көп ұщырауы оның өрлігіне, озық ойлы болуына байланысты // Алаш айнасы. 2013. №90 (1001). 31 мамыр және т.б.