«Қазақстан тарихы ежелгі дәуірден бүгінгі күнге дейін» атты 7 томдық іргелі ғылыми еңбекті әзірлеу мәселелері бойынша республикалық методологиялық семинар-кеңестің ақпараттық хаты

ҚР БҒМ ҒК Ш.Ш. Уәлиханов атындағы Тарих және этнология институты 2021 жылдың 24 ақпанында сағат 11.00-де ҚР Президенті Қ.К. Тоқаевтың «Тәуелсіздік бәрінен қымбат» мақаласы міндеттерін жүзеге асыру аясында «Қазақстан тарихы ежелгі дәуірден бүгінгі күнге дейін» атты 7 томдық іргелі ғылыми еңбекті әзірлеу мәселелері бойынша республикалық методологиялық семинар-кеңес (онлайн) өткізетінін хабарлайды.

ҚР Президенті Қ.К. Тоқаевтың «Тәуелсіздік бәрінен қымбат» бағдарламалық мақаласында көпғасырлық Ұлы Даланың тарихын ежелгі дәуірден бастап қазірге дейін зерттеуді одан әрі жалғастыруға ерекше назар аудару қажеттілігі баса айтылған болатын. Ел тәуелсіздігінің 30 жылдығы қарсаңында Ұлы Даланың тарихы тұтастай және жекелеген аса маңызды сақ, ғұн, Түрік қағанаты мен Ұлық Ұлыстан Қазақ хандығы, Ресей империясы және кеңес одағы кезеңдерін қамти отырып жаңа көзқарастар тұрғысынан ұғындырылуға тиісті. Бүгінгі таңда Отан тарихының өзекті мәселелері мен оқиғаларын тұжырымдамалық тұрғыдан қайта қарастыру, мемлекеттік құрылым мен мемлекеттік шекараның қалыптасуын, Қазақстан аумағындағы әлеуметтік-экономикалық және мәдени даму ерекшеліктерін, Ұлы дала халықтарының әлемдік өркениет пен мәдениетке қосқан үлестерін анықтау қажеттілігі туындады. Осы орайда ұлттық тарихтың алдында тұрған маңызды мәселелерді обьективті түрде ғылыми қауымның күшімен түсіндіру үшін Мемлекет басшысы ғалымдар алдына Қазақстан тарихы 7 томдық академиялық басылымын дайындау міндетін қойған болатын.

Республикалық онлайн методологиялық семинар-кеңеске жиналған ғылыми сараптамалық қауымдастық Қазақстан тарихы 7 томдық академиялық басылымының ғылыми тұжырымдамасы, құрылымы, жауапты орындаушылар және т.б. маңызды мәселелер қарастырылады. Семинар-кеңес жұмысына ғылыми қауымдастықты және барлық тарихшы-ғалымдарды жанашырлықпен белсенді түрде қатысуға шақырамыз.

Семинар-кеңестің жұмыс тілі: қазақ, орыс.

Семинар-кеңестің өткізілу уақыты: 2021 жылғы 24 ақпан, сағат 11:00.

Жұмыс форматы: Zoom базасындағы онлайн семинар-кеңес (идентификатор: 879 3453 9549, пароль: 695072)

Ұйымдастыру комитетінің байланыстары: 050010, Алматы қ., Шевченко көшесі, 28, ҚР БжҒМ ҒК Ш.Ш. Уәлиханов атындағы Тарих және этнология институты, Е.М. Куркеев, тел.: +7 707-679-62-66.