Институттың жетекші ғылыми қызметкері, тарих ғылымдарының кандидаты Шілдебай Сәбит Қамытбекұлы ҚР Мәдениет және спорт министрі А.Р.Райымқұлованың бұйрығымен «Орталық мемлекеттік архив» РММ-нің директоры болып тағайындалды. Сәбит Қамытбекұлы – 1998 жылы Абай атындағы АлМУ-дың тарих факультетін, 2001 жылы аспирантурасын бітірген. Ол Қ.И.Сәтбаев атындағы ҚазҰТУ Әкімшілік департаменті Бақылау және құжаттамалық қамтамасыз ету бөлімінің жетекші маманы (2002 ж.), Қоғамдық пәндер кафедрасының аға оқытушысы (2002-2006 ж.ж.), доцент міндетін атқарушы (2006-2008 ж.ж.); Абай атындағы ҚазҰПУ доценті міндетін атқарушы (2008-2011 жж.), Магистратура және PhD докторантура институты директорының ғылым және тәрбие ісі жөніндегі орынбасары (2011-2014 жж.); «Алматы» университетінің деканы (2014-2015 жж.), «Алматы» университетінің ректоры (2015-2017 жж.); Абай атындағы ҚазҰПУ Білім алушыларды қабылдау орталығының директоры (2017-2018 жж.); және де Институттың «ХХ ғасырдағы Қазақстан тарихы» бөлімінің меңгерушісі (2019 жылдың қаңтарынан) қызметтерін атқарған. 200-ден астам ғылыми еңбектің авторы. 200-ден аса публицистикалық, журналистік зерттеу және саяси сараптама сипатындағы мақаласы ҚР БАҚ-да жарық көрген. М. Әуезов атындағы сыйлықтың (2003 ж.) және ҚР Жастар Одағы «СЕРПЕР» сыйлығының лауреаты (2010 ж.).