2021 жылдың 30 қыркүйегі мен 03 қазаны аралығында Барнаул мен Горно-Алтайск қалаларында жақын және алыс шетелдерден 300-ге жуық ғалымдардың қатысуымен «Үлкен Алтайдың түркі-моңғол әлемі: тарихи-мәдени мұра және қазіргі заман» атты ІІ Халықаралық Алтай форумы өтті. Пленарлық отырыста институт директоры З.Е. Қабылдинов «Қазіргі Орталық Азияның түркі халқы: демографиялық және көші-қон процестері» тақырыбында баяндама жасады. Форум алаңдарында Алтай мемлекеттік және Тау-Алтай мемлекеттік университеттерімен ынтымақтастық туралы келісімшарттарға қол қойылды. Құжаттар жинақтарын бірлесіп дайындау бойынша Алтай өлкесінің мемлекеттік архивінің басшылығымен кездесу өтті.