2022 жылдың 3 маусымында Ш. Ш. Уәлиханов атындағы Тарих және этнология институтына олардың ғылыми жетекшісі-тарих ғылымдарының кандидаты, әлеуметтік-гуманитарлық пәндер кафедрасының профессоры Кенжебаев Нұрсейіт Тұрбайұлы бастаған Қазақ Еңбек және әлеуметтік қатынастар Академиясының студенттері келді.

Оқу практикасы аясында студенттер институт қызметімен танысты. Директордың қоғаммен байланыс жөніндегі орынбасары, Т.ғ. к. а. т. Абдулина студенттерге презентация өткізіп, институт жұмысының негізгі бағыттары және әл-Фараби атындағы ҚазҰУ-мен бірлесіп жүзеге асырылатын магистратура және докторантура бағдарламалары туралы егжей-тегжейлі айтып берді.

«Халықаралық қатынастар» және «Аймақтану» мамандықтары бойынша оқуды аяқтап жатқан ҚазЭҚА студенттері біздің Институттың қызметіне үлкен қызығушылық танытып, оқу аяқталғаннан кейін «Тарих» және «Этнология» бейінді мамандықтары бойынша магистратура және докторантура бағдарламалары бойынша білімдерін жалғастыру мүмкіндігіне қызығушылық білдірді.

Кездесу аяқталғаннан кейін Институттың кітаптарын, оның ішінде монографиялар, конференция жинақтары және басқа да басылымдарды ҚазЭҚА кітапханасына сыйға тарту рәсімі өтті.