ҚҰРМЕТТІ ӘРІПТЕСТЕР!
Қазақстан Республикасы Білім және ғылым министрлігі Ғылым комитетінің Ш.Ш. Уәлиханов атындағы Тарих және этнология институты 2014 ж. 22-26 желтоқсанда ІІ-ші А. Нүсіпбеков оқуларын өткізеді.
ІІ-ші А. Нүсіпбеков оқулары аясында өткізілетін іс-шаралар:
- «Академик А. Нүсіпбеков және «Қазақстан тарихы» академиялық басылымдарын даярлау тәжірибесі» Республикалық ғылыми-практикалық конференция, сондай-ақ ағымдағы жылда Ш.Ш. Уәлиханов атындағы Тарих және этнология институтында жарыққа шыққан ғылыми еңбектердің салтанатты тұсаукесер рәсімі өтеді (22 желтоқсан, сағат 10.00);
- «Тарих ғылымы: жас ғалымдардың үлесі мен рөлі» атты институт жас ғалымдарының дөңгелек үстелі (22 желтоқсан, сағат 15.00);
- Санжар Асфендиаровтың 125-жылдық мерейтойына орай «Санжар Асфендиаров және ұлттық тарих» тақырыбында Халықаралық ғылыми-теориялық конференция. Санжар Асфендиаровтың төрттомдық шығармалар жинағының және санжартанушы А. Жүнісбаевтың «Санжар Асфендиаров: өмірі мен қызметі (1889-1938)» атты монографиясының салтанатты тұсаукесер рәсімі өтеді (23 желтоқсан, сағат 10.00.);
- «Әділет» қоғамына – 25 жыл» атты Республикалық ғылыми-практикалық конференция (24 желтоқсан, сағат 10.00);
- «Қазақ мемлекеттілігінің тарихы (XIV–XVII ғғ.)» тақырыбына және ғалым К.А. Пищулинаның 80 жасқа толуына арналған дөңгелек үстел (24 желтоқсан, сағат 15.00);
- Көрнекті ғалым Ақжан Жақсыбекұлы әл-Машанидің (1906-1997) өмірі мен шығармашылығына арналған «Ақжан әл-Машани мұрасы және ұлттық ғылыми зерде» атты дөңгелек үстел (25 желтоқсан, сағат 11.00)
- «Тереңіміз еді ғой теңіз дерлік…». Академик Әлкей Марғұланның 110 жыл толуына арналған дөңгелек үстел (26 желтоқсан, сағат 11.00).
Іс-шара жұмысы қазақ, орыс тілдерінде жүргізіледі.
ІІ-ші А. Нүсіпбеков оқуларына қатысамын деушілерге есік ашық.
Институттың мекен-жайы: 050100 Алматы қ., Шевченко к., 28.
ҚР БҒМ Ш.Ш. Уәлиханов атындағы Тарих және этнология институты. Байланыс телефондары және факс: 8 (727) 261 16 35; Факс: 8(727) 261-67-19. Электронды байланыс: kazhistory@bk.ru
Ұйымдастыру комитеті