2014 ж. 28 қарашада Астана қаласында Қазақстан Республикасы Білім және ғылым министрлігінің кеңейтілген алқа отырысының салтанатты бөлімінде 2014 жылдың ғылым саласындағы үздік жетістіктері үшін атаулы мемлекеттік сыйлықтардың иегерлері марапатталды. Биыл институттың ғылыми қызметкері және PhD докторанты Жүнісбаев Алмас Әбдіғаниұлының «Санжар Асфендиаров: өмірі мен қызметі (1889-1938)» атты монографиялық еңбегі гуманитарлық ғылымдар саласындағы жас ғалымдарға арналған Мұхтар Әуезов атындағы сыйлықтың иегері атанды. Сыйлықтарды ҚР Білім және ғылым министрі Сәрінжіпов Аслан Бакенұлы табыс етті.